Muda mwingine naona Harmonize anaonewa bure tu. Baada ya Konde Gang kusitisha mkataba na Killy/Cheed mengi yamesemwa, kwamba Mapenzi yanamvuruga ndio maana amesahau Wasanii wake.
Inawezekana kwamba Mapenzi yakawa yamechangia lakini sio kwa asilimia kubwa maana Kajala sio wa Kwanza kutoka na Harmonize, Je kabla ya Kajala, Harmonize hakuwa na Wapenzi? Mbona mambo yalienda sawa tu.
Binafsi nadhani suala la Pesa ndio tatizo. Kumbukeni kwamba Harmonize aliingiza watu wengi sana, Country, Ibraah, Anjella, Killy, Cheed, Imagine katika wote hao lazima wanunuliwe Usafiri, lazima wapewe makazi mazuri, wafanyiwe Audio, Video bure. Mambo ni mengi mno na ukiangalia uwezo wa Harmonize kipesa sio mkubwa kihivyo kama Diamond.
Usikute hela aliyokuwa anatumia kuwekeza kwenye Lebo ilikuwa hairudi ndio maana akaamua kumuondoa mmoja mmoja. Hali hiyo ya kupunguza watu (redundancy) ipo kila sehemu, mapato ya kampuni yakipungua lazima Wafanyakazi watapunguzwa tu.
Hata hivyo sio mbaya, ameonesha uthubutu, kuingia kwenye Game ndani ya muda mfupi then ukaanzisha Lebo ambayo leo hii imemfanya Anjella na Ibraah wajulikane wala sio kitu kidogo.
.jpg)
