Kapteni Aliyepindua Serikali ya Burkina Faso Achaguliwa Rasmi Kuwa Rais

Kapteni Ibrahim Traoré, kiongozi wa kijeshi ambaye alimpindua Luteni Kanali Paul-Henri Damiba, ameteuliwa kuwa rais wa Burkina Faso

Traoré alimpindua Damiba, ambaye aliingia madarakani kwa mapinduzi mnamo Januari 2022

Traore, 34, alisema sababu ya kuidhinisha mapinduzi hayo ni kutokana na kushindwa Damiba kukabiliana na wanajihadi

Kapteni Ibrahim Traoré ameteulia kuwa Rais wa Burkina Faso baada ya kupindia serikali katika mapinduzi ya pili chini ya miezi tisa.

Kapteni Ibrahim Traoré, kiongozi wa kijeshi ambaye alimpindua Luteni Kanali Paul-Henri Damiba, ameteuliwa kuwa rais wa Burkina Faso

Kapteni Ibrahim Traoré, kiongozi wa kijeshi ambaye alimpindua Luteni Kanali Paul-Henri Damiba, ameteuliwa kuwa rais wa Burkina Faso. Picha: AFP.

Taifa hilo la Magharibi mwa Afrika lilikumbwa na mgogoro wa kisiasa baada ya Luteni Kanali Paul-Henri Damiba, ambaye aliingia madarakani kwa mapinduzi mnamo Januari 2022 kupinduliwa na Traoré ambaye alikuwa anaongoza kundi la wanajeshi waasi.

Traore, 34, alisema sababu ya kuidhinisha mapinduzi hayo ni kutokana na kushindwa kwa Luteni Kanali Damiba kukabiliana na waasi wenye itikadi kali za Kiislamu.

Katika taarifa rasmi iliyotolewa na msemaji wa jeshi la serikali Kapteni Kiswendida Farouk Azaria Sorgho mnamo Jumatano, Oktoba 5, Traore ameteuliwa kuwa Kiongozi wa Taifa na Amri Jeshi Mkuu.

Magazetini Septemba 5: Ruto Atekeleza Mapendekezo ya BBI Aliyokuwa Akipinga

Taarifa hiyo iliongeza kuwa Traore sasa atakuwa mdhamini wa uhuru wa kitaifa, uadilifu wa eneo na mwendelezo wa taifa.

Damiba alitorokea nchini Togo baada ya kukubali kujiuzulu siku ya Jumapili, Oktoba 2.

Burkina Faso imekuwa ikihangaishwa na makundi ya jihadi kwa muda wa miaka saba sasa na kusababisha vifo vya maelfu katika mashambulizi hayo huku takriban watu milioni mbili wakiyakimbia makazi yao.

Wanajeshi wa Damiba waliipindua serikali iliyochaguliwa mnamo Januari, wakiishutumu kushindwa kudhibti mashambulizi wanajihadi.

Akijiteua mwenyewe kuwa rais wa mpito, Damiba aliapa kuweka usalama kuwa kipaumbele katika serikali yake lakini baada ya utulivu wa muda mfupi mashambulizi yalizuka tena na kusababisha mamia ya watu kupoteza maisha yao.

Ujumbe wa Jumuiya ya Kiuchumi ya Nchi za Afrika Magharibi (ECOWAS) ulimaliza misheni yake ya kutathmini hali Burkina Faso siku ya Jumanne, Oktoba 4, na kufanya mikutano na viongozi wa kidini pamoja na Traoré.

Museveni Ampandisha Cheo Mwanawe Jenerali Muhoozi Baada ya Jumbe za Kivita Kuhusu Nairobi

Traore alisema ziara ya ECOWAS ilikuwa ya "kufanya mawasiliano na mamlaka mpya ya mpito" kama sehemu ya msaada ambao Burkina Faso ilipata kutoka eneo hilo.