Serengeti Girls wamepambana!
TIMU ya Taifa ya soka ya wasichana chini ya umri wa miaka 17, ‘Serengeti Girls’ imeshindwa kutinga Nusu Fainali ya michuano ya Kombe la Dunia.
Hatua hiyo natokana na kufungwa mabao 3-0 na Colombia muda mfupi uliopita katika mchezo wa robo fainali uliofanyika Uwanja wa Pandit Jawaharlal Nehru, lakini wamepambana vya kutosha dhidi ya timu yenye uzoefu mkubwa wa michuano hiyo.
Colombia sasa itacheza na mshindi wa mchezo mwingine wa robo fainali kati ya Ujerumani na Brazil.
Colombia walianza kushiriki fainali hizi mwaka 2008, 2012, 2014 na 2018 na katika viwango vya ubora kwa soka la wanawake duniani wanashika nafasi ya 27, wakati Tanzania inashika nafasi ya 152 na hii ni mara ya kwanza kushiriki.
.webp)
.jpg)