Tiffah, Nilan Wamkabili Baba Yao Diamond Baada ya Zari Kuwaambia Alivunja Familia

.

Tiffah, Nilan Wamkabili Baba Yao Diamond Baada ya Zari Kuwaambia Alivunja Familia

Diamond Platnumz alishangaa alipoulizwa na wanawe waliozaa na Zari Hassan ni kwa nini waliachana. Picha: Diamond Platnumz.

Zari amlaumu Diamond kwa kutengana

Mwanamuziki huyo mashuhuri kwa sasa yuko Afrika Kusini kuwatembelea Nillan na Tiffah kwa nyumba ya mama yao Zari, wakati mkutano ulipoitishwa.

Tiffah alichukua usukani kusimamia kikao hicho cha familia, na hakusita kumuuliza baba yake mzazi ni kwa nini alivunja familia yao.

“Sasa jana usiku mama alinimbia kwamba wewe ulivunja familia yetu, ni kweli?” binti jasiri wa Diamond aliuliza.

Diamond alionekana kuingiwa na kigugumizi baada ya kullizwa swali hilo, kisha akarejesha swali hilo kwa Zari.

Zari aliingilia kati akijaribu kujitetea.

“Sivyo nilivyosema. Mliniuliza maswali kisha nikawajibu,” mama huyo wa watoto watano alisema.

Hata hivyo, Nillan alimtetea dadake kuhusu kilichojiri kwenye mazungumzo na mama yao.

“Alisema kwamba ulikuwa na umepata moto na mwanamke mwingine,” Tiffah aliongeza kusema.

Nillan na Tifa wamtetea baba yao Diamond

Zari aliwauliza wanawe iwapo wanaamini kwamba baba yao mzazi ana watoto wengine kando na wao na kujibu la.

“Niliwaambia baba yenu ana mtoto mwingine na mwanamke mwingine,” hatimaye Zari alifunguka.

Hata hivyo, watoto hao walionekana kumakinika na kile baba yao alichokuwa akisema kuhusu suala hilo, huku Tiffah akisema:

“Ana (Zari) mtu mwingine.”