MSHAMBULIAJI nyota na kinara wa mabao wa Ligi Kuu msimu uliopita, George Mpole inadaiwa amezingua baada ya kujiengua ndani ya kikosi hicho kwa kilichoelezwa kushinikizwa alipwe fedha anazoidai klabu hiyo.
Mpole aliyefunga mabao 17 na kukeba kiatu cha dhahabu mbele ya straika wa Yanga, Fiston Mayele aliyefunga 16, ameshindwa kucheza michezo mitatu iliyopita ya timu hiyo ukiwamo ule wa Yanga uliopigwa CCM Kirumba, jijini Mwanza na wageni kushinda bao 1-0.
Habari za ndani ya timu hiyo zilisema Mpole alijiwekwa kando ili kushinikizwa kulipwa fedha zake zote ikiwamo mshahara wa kuanzia Septemba, japokuwa mabosi wa klabu hiyo wameeleza nyota ana matatizo ya kifamilia.
Kaimu Katibu Mkuu wa Geita, Liberatus Pastory alisema muda wowote kuanzia sasa nyota huyo atajiunga na timu kwani alikuwa akishughulikia masuala yake ya kifamilia.
“Sio yeye tu hata Saidi Ntibazonkiza ‘Saido’ aliomba kwenda kwao Burundi na kuanzia kesho (jana) atawasili kuendelea na programu za timu, hivyo suala hilo hapa halipo,” alisema Pastory, huku Mpole mwenyewe alikiri kutokuwepo kikosini, japo alikataa kuzungumza kwa undani.
.jpg)
