Habari Mbaya: Mwanahabari Mashuhuri Afariki Dunia Akiripoti Kombe la Dunia Qatar

Mwanahabari mashuhuri wa Marekani, Grant Wahl amefariki dunia nchini Qatar baada ya kuzimia alipokuwa akiandika habari za Kombe la Dunia, Desemba 9, 2022 jambo lililozua mshtuko na huzuni katika ulimwengu wa michezo.

Kwa mujibu wa mashihidi waliokuwepo katika eneo la tukio wameeleza kuwa Wahl alianguka katika eneo la waandishi wa habari wakati akifanya kazi yake katika mchezo kati ya Argentina na Uholanzi huku chanzo cha kifo chake kikiwa bado hakijathibitishwa.

Grant alifanya soka kuwa kazi yake ya maisha, na tunasikitika kwamba yeye na uandishi wake mzuri hawatakuwa nasi tena," Shirikisho la Soka Marekani limeandika kwenye wake wa Twitter.

Mtangazaji mwenza, Chris Wittyngham amesema siku chache kabla ya kifo chake alikuwa akilalamika kujisikia vibaya ikiwemo kubanwa na kifua, hivyo alitafuta usaidizi katika kliniki ya matibabu katika kituo cha vyombo vya habari vya Kombe la Dunia.