Harmonize Aomba Radhi Watanzania na Kufuta Wimbo wake wa Bangi

Uongozi wa Konde Music Worldwide ya manamuziki Harmonize umeomba radhi kutokana na maudhui ya wimbo uliotolewa hivi karibuni na msanii huyo unaoitwa ‘Weed Language’ kwenda kinyume na sheria na tamaduni za nchi.

Lebo hiyo imedai kuwa lengo la kutoa wimbo huo lilikuwa kupanua na kukuza muziki wa nje ya mipaka ya nchi ya Tanzania.

Taarifa hiyo imetolewa leo katika ukurasa wa Instagram ya msanii huyo baada ya kuonekana katika picha akiwa na viongozi wa Baraza la Sanaa la Taifa (BASATA) hapo jana Desemba 7, 2022 huku akiahidi kutekeleza suala walilozungumza kama vijana.

Katika taarifa iliyotolewa leo imesema “kutokana na kadhia iliyosababishwa na maudhui ya wimbo huo, tunaomba radhi na tunaahidi kuuondoa wimbo huo kwenye mitandao yote ya kijamii.”