Shirika la ndege la Morocco Lafuta Safari zote za Qatar

Shirika la ndege la Morocco limesema linafuta safari zote lililokuwa limepanga kwa leo kuwasafirisha mashabiki kwenda Doha kuhudhuria mechi ya nusu fainali ya Kombe la Dunia.

Royal Air Maroc limetaja uamuzi ulilosema ulifanywa na maafisa wa Qatar. Limesema kufuatia vizuizi vya karibuni vilivyowekwa na maafisa wa Qatar, Royal Air Maroc imefuta safari zao zilizoendeshwa na shirika la ndege la Qatar Airways.

Ofisi ya habari ya kimataifa ya Qatar halijazungumzia ripoti hiyo. Awali, Royal Air Maroc ilisema ingeongeza safari 30 za ziada ili kuwasaidia mashabiki kwenda Qatar kwa nusu fainali ya leo usiku dhidi ya Ufaransa lakini hapo jana duru kutoka kampuni wakala wa shirika hilo ikasema ni safari 14 pekee zilizopangwa.

Katika nusu fainali ya kwanza jana, Argentina iliicharaza Croatia mabao matatu kwa sifuri.