Nguli wa zamani wa soka wa nchini Brazil Pele amempongeza Lionel Messi wa Argentina kwa kuchukua ubingwa wa michuano ya Kombe la Dunia, pamoja na Kylian Mbappe wa Ufaransa kwa kufanikiwa kufunga mabao matatu kwenye mechi ya fainali.
Pele aliyeshinda kombe hilo mara tatu akiwa mchezaji amesema Messi alistahili kushinda kombe hilo.
Alituma ujumbe wake kwenye ukurasa wa Instagram mara baada ya mechi ya fainali kumalizika katika uwanja wa Lusail, huko Qatar jana Jumapili.
Messi alifunga mabao mawili na kwa pamoja na Mbappe walifunga kwenye mikwaju ya penati, na Messi alifanikiwa kuondoka na Mpira wa Dhahabu akishinda kipengele cha mchezaji bora wa michuano hiyo na Mbappe akitunukiwa kiatu cha Dhahabu akiwa mfungaji bora.
.jfif)
.jpg)
