Mwimbaji nyota wa Bongofleva, msanii @phina__tz ajiunga rasmi na kampuni kubwa ya usambazaji muziki barani Afrika, Ziiki Media yenye makao yake makuu Johannesburg nchini Afrika Kusini.
Phina amesaini mkataba wa miaka minne ambapo makubaliano yake na Kampuni hiyo yanalenga zaidi kuendeleza kipaji chake, kukuza soko lake la muziki duniani kupitia usambazaji, pamoja na kukuza fursa mbalimbali za biashara ya Muziki. Imeelezwa.
@phina__tz mwenye ndoto ya kuwa mwimbaji na miongoni mwa watumbuizaji wakubwa duniani tayari amekuwa akijitengenezea heshima hiyo kwenye jukwaa kubwa za burudani hapa nchini ikiwemo Fiesta na Mziki Mnene.
“Najisikia mwenye furaha na bahati kuwa miongoni mwa wasanii [wa kike] kutoka Tanzania kupata nafasi ya kipekee kufanya kazi na familia nzima ya Ziiki Media. Ushirikiano uliozaliwa hapa leo ni hatua kubwa sana kwangu kwani hizi ni aina za fursa ambazo nimekuwa nikizitamani kuzifanikisha kwa muda mrefu kwenye kazi [career] yangu. Niko tayari kuiwakilisha Afrika kwenye jukwaa mbalimbali huku tukiendelea kuipeleka sanaa na muziki wa Tanzania [Afrika] mbele”. ameeleza @phina__tz kwenye uzinduzi rasmi uliofanyika jijini Johannesburg nchini Afrika Kusini.
Fahamu, Ziiki Media ni kampuni inayoongoza kwenye biashara ya usambazaji wa kazi za muziki barani Afrika na India kwa ushirikiano na kampuni kubwa ya muziki duniani Warner Music Group.
Sanjali na hilo, Phina anatarajia kuachia kazi mpya tatu mwezi ujao (Februari), zitakazoshirikisha mwanamuziki mkubwa barani Afrika.
.webp)
