Mwigizaji Staa wa Marekani Tyrese Gibson Apagawa na Zanzibar

Mwigizaji Staa wa Marekani Tyrese Gibson ameonesha kupagawa na uzuri wa Zanzibar hadi kupost kwenye mitandao yake ya kijamii ya Instagram na Tiktok na kuelezea kwa hisia jinsi ambavyo huwa hawaoneshwi uzuri wa Afrika kwenye TV zao Nchini Marekani.

Tyrese ambaye ametokea kwenye movie nyingi zikiwemo Fast and Furious na Black and Blue aliandika yafuatayo “Tafuteni kwenye google, hii sehemu ya kustaajabisha inaitwa ZANZIBAR, inapatikana sehemu ya Africa iitwayo TANZANIA, walituweka sote gizani kwa makusudi.... sisi huku Marekani HUWAONA WANYAMA TU KWENYE TV ZETU, hawataki hata mmoja wetu ajue utajiri na uzuri wa kweli wa AFRIKA”

Post yake imepata likes zaidi ya laki moja ndani ya saa 12 toka iwekwe huku comments zikiwa ni zaidi ya elfu mbili na mia saba.

Kwa mwaka 2023 @Tyrese anakuwa Staa wa pili kupost kuhusu Tanzania ambapo wa kwanza ni Mwimbaji Camila Cabello ikiwa ni l wiki chache tu toka Mwigizaji Gabrielle Union na Mumewe kuja Zanzibar kupost videos na picha wakifurahia mwishoni mwa mwaka jana.