UTEUZI: Mtoto wa Mwanamuziki Shetta Aitwae Qayllah Ateuliwa CCM

Mtoto wa mwanamuziki maarufu wa Bongo fleva @officialshetta afahamikaye kwa jina la @officialqayllah ambapo jina lake kamili ni Qayllah Nurdin ameteuliwa na Baraza la Umoja wa Vijana wa CCM Mkoa wa Dar es salaam kuwa Mjumbe wa Kamati ya Uendeshaji Jumuiya ya Chipukizi CCM Mkoa wa Dar es salaam.

Taarifa hiyo ya Uteuzi imetolewa leo na Umoja wa Vijana wa CCM Mkoa wa Dar es salaam.

Baada ya Uteuzi huo, Qayllah Nurdin ametumia ukurasa wake wa Instagram, kutoa shukrani zake kwa nafasi hiyo adhimu aliyoipata.

"Kwanza nichukue nafasi hii kumshukuru Mungu kwa kunipa Afya njema, pili Nishukuru Chama changu cha Mapinduzi (CCM) kupitia jumuiya ya UVCCM Mkoa wa Dar es salaam kupitia kamati ya uendeshaji ya Chipukizi kwa kuniteua kuwa Mjumbe wa Kamati ya Uendeshaji. Hii ni nafasi adhimu ambayo itatusaidia kupanga na kuendesha vizuri Jumuiya yetu vyema. Inshallah M/Mungu akanisaidie katika majukumu haya." - Unasomeka ujumbe wa @officialqayllah kupitia ukurasa wake wa Instagram.

Pia Baba yake mzazi, mwanamuziki @officialshetta amempongeza binti yake kwa hatua hiyo kubwa kwa kuteuliwa ndani ya Chama Cha Mapinduzi.