Kikosi cha Simba SC kimeingia kambini rasmi jana kujiandaa na mchezo wa hatua ya makundi ya Ligi ya Mabingwa Afrika dhidi ya Raja Casablanca utakaopigwa Jumamosi katika Uwanja wa Benjamin Mkapa.
Baada ya kikosi kuwasili juzi alfajiri wachezaji walipewa mapumziko kutokana na uchovu wa safari.
Wachezaji wote wameshiriki mazoezi hayo ambayo yamefanyika katika Viwanja vya Mo Arena chini ya kocha Roberto Oliviera ‘Robertinho’ na wasaidizi wake.
Morali ya wachezaji ipo juu na kila mmoja anaonekana kuhitaji kuaminiwa ili kupata nafasi katika mchezo wa Jumamosi dhidi ya Raja.
