Rayvanny Ameweka Wazi Hana Tatizo na Harmonize "Ni Kaka na Familia"

Rayvanny ameweka wazi hana tatizo na Harmonize ni Kaka yake na familia, pia hana tatizo na mtu yeyote. Amesema anafanya muziki wake katika njia nzuri, hana ugomvi na mtu.

Boss huyo wa NLM ameeleza hayo alipotua nchini Kenya Alfajiri ya leo ambapo alizungumza na Waandishi wa Habari toka vyombo mbalimbali vya nchini humo.

Hata hivyo Rayvanny amegoma kuzungumzia tetesi za kutoka na mwimbaji Feza Kessy ambaye wameshaonekana pamoja mara kadhaa, lakini pia ameitaja safari yake hiyo Kenya ni kwa ajili ya matembezi ya hapa na pale, na kuna msanii mkubwa ambaye ameenda kukutana nae.