Msanii wa Singeli, Dulla Makabila amesema, suala la wasanii wa Singeli kuwa wanalipwa pesa kidogo sio la kweli bali wasanii wasiojitambua ndio wanalipwa pesa ndogo.
Dulla Makabila ameyasema hayo usiku wa Marchi 2, 2023 alipokuwa kwenye listening part ya albamu ya Kayumba iliyofanyika pande za Uncle's Masaki jijini Dar.
"Natamani hata niwataje majina hawa wasanii wasiojitambua maana wananikata kweli, mimi utakuta nimekataa labda kiasi flani cha hela kutoka kwa promota lakini unashangaa mwenzako amechukua ameenda," alisema Dulla.
Dulla alisema, wasanii wengi wa Singeli wanaofanya hivyo, hawana vyanzo vingine vya mapato hivyo kujikuta wakichukua kiasi chochote cha pesa jambo ambalo linawashushia hadhi yao ambayo yeye anapambana kuipandisha.
.jpg)
