Breaking : Mtangazaji Salim Kikeke Aondoka BBC

Mtangazaji nguli wa habari wa Shirika la Habari la Uingereza (BBC), Salim Kikete ametangaza kustaafu kazi katika shirika hilo baada ya kulitumikia kwa miaka mingi.

Kikeke ambaye ni Mtanzania ameaga rasmi leo Aprili 28, 2023 wakati akitamatisha Dira ya Dunia na kusema kuwa anakwenda kufanya majukumu mengine lakini hajaweka wazi anakwenda wapi.

"Nimekuwa na wakati mzuri hapa London tangu nilipojiunga na BBC nikiwa redio, kisha televisheni, ninakwenda kufanya majukumu mengine na leo hii ndio itakuwa mara yangu ya mwisho leo kutangaza Dira ya Dunia.

"Ninawashukuru wafanyakazi niliokuwa nikifanya nao kazi hapa BBC na vyombo vingine vya habari nilivyofanya nao kazi kabla sijaja hapa, wote mmenisaidia sana kutimiza ndoto zangu na kunifikisha hapa nilipo leo.

Kwa upande wao, wafanyakazi wenzake wa BBC wamesema kuwa watamkumbuka sana Kikeke kutokana na makeke yake na umahiri wake wa kutangaza habari.

Mbali na Kikeke, watangazaji wengine wawili nao wameondoka BBC akiwemo Mariam Omary na Suluma Kassim.