Rais Samia Afanya Uteuzi Huu

Dar es Salaam. Rais Samia Suluhu Hassan amefanya uteuzi kwa kuwateua washauri wawili wa Rais katika masuala ya sheria na mabadiliko ya tabianchi na mazingira.

Kwa mujibu wa taarifa iliyotolewa na Ikulu leo Ijumaa, Rais Samia amemteua Jaji George Masaju kuwa mshauri wa Rais katika masuala ya sheria.

Jaji Masaju ni Jaji wa Mahakama Kuu Kanda ya Dodoma. Uteuzi huu umeanza Aprili 20, 2023.

Pia Rais Samia amemteua Dk Richard Muyungi kuwa Mshauri wa Rais katika masuala ya mabadiliko ya tabianchi na mazingira.

Kabla ya uteuzi huo Dk Muyungi alikuwa Meneja wa Mazingira katika Shirika la Umeme (Tanesco). Uteuzi huu umeanza Aprili 19, 2023.