Thabo Bester na Nandipha Warudishwa South Africa Kutoka Tanzania Walipokamatwa

Serikali ya Afrika Kusini leo imetangaza kuwa Thabo Bester maarufu kwa jina la ‘Mbakaji wa Facebook’, na Mpenzi wake Dr. Nandipa Magumana wamerudishwa Nchini humo wakitokea Arusha Tanzania ambako walikamatwa na Makachero wa Tanzania, Afrika Kusini imeishukuru Serikali ya Tanzania kwa ushirikiano uliowezeshwa kukamatwa kwa Watu hao.

Itakumbukwa kuwa Thabo amekuwa akisakwa na Polisi wa Afrika Kusini akikabiliwa na kosa la kughushi kuwa amefariki alipokuwa gerezani na kutoroka kisha baadaye ikabainika kuwa hajafariki, kitendo ambacho kiliishangaza Nchi nzima, Mamlaka iliamini kuwa Thabo Bester alifariki baada ya kujichoma moto katika Gereza la Hloko Jijini Bloemfontein May 2022 lakini baadaye ikabainika mwili uliodaiwa ni wa Thabo haukuwa wake ambapo mwanzoni mwa mwezi huu Polisi Afrika Kusini walianzisha msako mkali wa kumtafuta.

Thabo alidaiwa kuwarubuni Waathiriwa kupitia mtandao wa kijamii wa Facebook kisha kuwabaka na kuwaibia ambapo mwaka 2012 alihukumiwa kifungo cha maisha jela kwa kosa la ubakaji, wizi na mauaji, Thabo Bester amerejeshwa katika gereza la Kgosi Mampuru Jijini Pretoria nchini Afrika Kusini baada ya yeye na nDr Nandipha Magudumana kutua katika uwanja wa ndege unaomilikiwa na Watu binafsi Kaskazinu mwa Johannesburg mapema asubuhi ya leo.

Dr. Nandipa atafikishwa Mahakamani Mjini Bloemfontein mapema hii leo kujibu mashtaka kadhaa likiwemo kosa la kupanga njama za kutoroka pamoja na kesi ya mauaji kutokana na idadi ya miili iliyopatikana gerezani huku Bester akifuatiliwa mchana na usiku katika Gereza la Kgosi Mampuru II jijini Pretoria.