Mashabiki 12 wa Mpira Wafa Uwanjani

Takriban watu 12 wameuawa katika vurugu zilizotokea ndani ya Uwanja wa El Salvador, ambapo mashabiki wa soka walikusanyika kutazama mechi kati ya FC Alianza na Club Deportivo FAS. Taarifa ya polisi nchini humo imeeleza.

“Tuna matokeo mabaya ya waathiriwa 12, tisa ambao wako hapa uwanjani na wengine watatu ambao tumearifiwa wako katika vituo tofauti vya hospitali,” Mkurugenzi wa Polisi wa Kitaifa (PNC) Mauricio Arriaza amewaambia waandishi wa habari leo.

Polisi wamesema ripoti za awali zinaonesha mashabiki waliojaribu kuingia uwanjani katika mji Mkuu wa San Salvador wa Amerika ya Kati kutazama mechi kati ya FC Alianza na Club Deportivo FAS.

“Kulikuwa na milango miwili tu iliyofunguliwa katika uwanja mzima,” shabiki mmoja aliambia La Prensa Grafica. “Watu waliokuwa nje walitaka kuingia kwa nguvu, na wote wakatuangukia.”