Timu ya Simba imeshindwa kufurukuta mbele ya Wauaji wa Kusiki, Namungo FC baada ya kuambulia sare ya bao 1-1 katika Dimba la Majaliwa Stadium, Ruangwa mkoani Lindi leo, Mei 3, 2023.
Katika mchezo huo wa Ligi Kuu Tanzania Bara, Simba ndio walikuwa wa kwanza kupata bao kupitia kwa mshambuliaji wao kinara, Jean Baleke dakika ya 27, kabla ya Salum Kabunda kusawadhisha dakika ya 39 kufuatia mpira wa kona aliouokoa kipa wa Simba Ally Salum ukadondoka kwenye miguu ya Kabunda.
Simba wanaendelea kushika nafasi ya pili kwenye msimamo wa Ligi Kuu Bara wakiwa na alama 64 na michezo 27 nyuma ya Yanga wenye alama 68 na michezo 26.
Kwa matokeo hayo ya Simba, Yanga ambao kesho wataingia dimbani kukipiga na Singida BS kwenye Dimba la Liti, wanahitaji kushinda michezo miwili tu ili watangaze ubingwa wa ligi.
.jpg)
.jfif)