Mamlaka ya Viwanja vya nchini New Zealand imeomba shirika la ndege ya taifa hilo kupima uzito wa abiria wanaosafiri kwenye safari za kimataifa kutoka Uwanja wa Ndege wa Kimataifa wa Auckland kuanzia Julai 2, 2023.
Shirika la Ndege la New Zealand Kupima Uzito wa Abiria Kabla ya Kuabiri Ndege. Chanzo: Getty Images
Mpango huo, ambao Air New Zealand umeitaja kama uchunguzi wa uzito wa abiria, ni njia ya kukusanya data ya mzigo wa uzito na usambazaji kwa ndege, kulingana na kampuni hiyo.
"Tunapima kila kitu kinachoingia kwenye ndege - kutoka mizigo hadi chakula kinachosafirishwa, hadi mizigo katika sehemu ya kuhifadhia," Alastair James, mtaalamu wa uboreshaji wa udhibiti wa mzigo wa shirika hilo la ndege alisema katika taarifa.
"Kwa wateja, wafanyakazi, na mizigo ya abiria, tunatumia uzito wa wastani, ambao tunapata kwa kufanya uchunguzi huu," aliongeza.
Hata hivyo, uzito ni jambo la kibinafsi ambalo sio kila mtu anataka kulifichua. Ili kulinda faragha ya watu binafsi, shirika hilo la ndege linasema kuwa imeficha majina ya watu kwenye data hiyo.
Wasafiri wataagizwa kusimama kwenye mizani ya dijitali wanapofanya ukaguzi wa safari yao.
Taarifa kuhusu uzito wao itawasilishwa kwenye uchunguzi lakini haitaonekana kwenye skrini ya wakala.
Pia, wataweka mizigo yao kwenye mizani nyingine sawa kwa ajili ya kupima kwa tofauti.
"Tunatambua kuwa kupanda kwenye mizani kunaweza kuwa jambo linalosumbua. Tunataka kuwahakikishia wateja wetu kwamba hakuna majina yatakayoonekana mahali popote. Hakuna mtu anaweza kuona uzito wako, hata sisi," alisema James.
Inakumbukwa kwamba sio mara ya kwanza kwa Air NZ kuwaomba abiria wake kupanda kwenye mizani kabla ya kuabiri ndege.
Abiria wa ndani walishiriki katika uchunguzi mwaka wa 2021, lakini ule kwa wasafiri wa kimataifa ulicheleweshwa kutokana na janga la COVID-19.
Miongoni mwa watu wanaoweza kuombwa kushiriki katika uchunguzi ni wale wanaosafiri kwenye ndege moja kwa moja kutoka Auckland kwenda Uwanja wa Ndege wa JFK jijini New York.
.webp)
.jpg)