Suleman Dawood, kijana wa chuo kikuu, alikuwa na wasiwasi kuhusu kuandamana na babake Shahzada Dawood kuzama majini kuona mabaki ya meli iliyozama 1912 ya Titanic.
Kulingana na dada mkubwa wa tajiri Shahzada, Azmeh Dawood, mwanafunzi wa chuo kikuu mwenye umri wa miaka 19, Suleman, alimwambia ndugu yake kwamba "hangependezwa sana" na alihisi "hofu" kuhusu safari hiyo.
Suleman na baba yake Shahzada walikuwa miongoni mwa watu watano ambao walitangazwa kuwa wamefariki baada ya chombo cha kuzamia walichokuwa wamepanda kwenye safari yao ya kuelekea bahari kuripotiwa kuwa kilipasuka.
Ripoti zinaeleza kwamba licha ya kuwa na hofu kuhusu safari hiyo, kijana huyo mwenye umri wa miaka 19 aliamua kupanda chombo cha kuzamia cha futi 22 cha kampuni ya OceanGate kwa sababu safari hiyo ilikuwa wakati wa mwishoni mwa wiki ya kina baba duniani na alitaka kumfurahisha.
.webp)
.jpg)