Kuna 'Surprise' Usajili wa Yanga

Vyombo mbalimbali vya habari nchini Uganda vimeripoti taarifa ya beki kisiki wa SC Villa Gift Fred kusajiliwa na mabingwa wa soka Tanzania Bara, Yanga

Fred alikuwa nahodha wa SC Villa ambapo katika msimu uliopita alishinda tuzo ya beki bora wa msimu

Beki huyo pia amekuwa sehemu ya kikosi cha timu ya Taifa ya Uganda inayonolewa na Kocha Micho. Pia anamudu kucheza nafasi ya kiungo mkabaji

Beki kapanda hewani (wa kwanza kushoto pichani chini), mwili jumba! mwamba haswa katika kucheza mipira ya juu!

Taarifa za ndani zimebainisha kuwa Yanga imemsajili Fred kuchukua nafasi ya Mamadou Doumbia ambaye tangu aliposajiliwa kwenye dirisha dogo msimu uliopita, hakuweza kujihakikishia nafasi kwenye kikosi cha kwanza

Huu unaweza kuwa usajili wa 'surprise' kwani tayari Yanga ilishatangaza kukamilisha usajili wake

Wananchi wanasubiri utambulisho wa wachezaji wao wapya ambapo Afisa Habari wa Yanga Ali Kamwe amesema wakati wowote wanaanza kushusha 'vyuma'