Kikosi cha Simba kimekamilisha ratiba yake nchini Uturuki baada ya kucheza mechi ya kirafiki dhidi ya Batman Petrolspor A.S na kuibuka na ushindi wa bao 4-1 jioni ya leo Jumapili, Julai 30, 2023.
Mabao ya Simba yamewekwa kimyani na Willy Onana (dakika ya 11), assist ya Saido Ntibazonkiza, bao la pili Saido (dakika ya 53) assist ya Shomari Kapombe, bao la tatu Mohamed Hussein 'Tshabalala' (dakika ya 65) kwa assist ya Fabrice Ngoma na bao la nne limefungwa na nahodha John Bocco (dakika ya 80) kwa assist ya Kibu Denis.
Simba wemeweka kambi nchini Uturuki kwa ajili ya maandalizi kuelekea msimu mpya wa 2023/24 utakaoanza hivi karibuni.
Aidha, Simba wanatarajia kuanza safari ya kurejea nchini Julai 2, 2023 lwa ajili ya maandalizi ya Tamasha la Simba Day litakalofanyika Julai 6, 2023 n michezo ya Ngao ya Jamii itakayopigwa Agosti 9 mpaka 13, mwaka huu kuashiria ufunguzi wa msimu mpya wa Ligi.
Katika michezo mitano ya kirafiki ambayo Simba imecheza nchini Uturuki, imefanikiwa kushinda michezo mitatu, sare moja na kufungwa mchezo mmoja.
.jpg)
