Msanii wa Ndany Yammy Anusurika Kubakwa, Walinipa Vipipi Nile Nisinzie

Msanii chipukizi wa Bongo Fleva kutoka lebo ya The African Princes inayomilikiwa na msanii wa Bongo, Faustina Mfinanga maarufu kama Nandy aitwaye Yammy amefunguka namna alivyojinasua kutoka kwenye mtrgo wa kubakwa.

Yammy amesema tukio hilo la aina yake hatokuja kulisahau kwani lilitaka kumharibia maisha yake.

"Nakumbuka kuna kaka mmoja aliniambiaga Hamissa Mobetto ananiita nikaimbe kwenye movie yake, ilikuwa ngumu kidogo kuamini lakini kilichonifanya niamini niliongea na Hamissa Mobetto mwenyewe akaniambia nitakulipa kila scene elfu 50 wewe utakuwa unaimba tu.

"Basi nikaamini, yule kaka akaniambia twende nikupeleke kwenye hotel ya Majizzo ipo Sinza ambako kuna wasanii wengine tumeweka kambi. Nimefika pale nikakuta hakuna wasanii, akaniambia ooh ile nyingine imejaa wewe utakaa hapa kwenye hii nyumba naenda kufata wasanii wengine, akanipa pipi ambayo tayari alikuwa ameshaifungua akaniambia (changamsha mdomo).

"Basi, nikaiangalia ile pipi nikaona na yeye anakula nyingine ila ile yangu tayari ilikuwa iko wazi, moyo ukawa na wasiwasi sikula ile pipi nikaiacha, akaondoka akarudi usiku akaniuliza hijalala tu? mbona hujala?

"Nikamwambia sijisikii, alivyoona sijala ile pipi akanipa nyingine alafu akakaa palepale ashuhudie nikila, nikamwambia ondoka nataka kulala nijiandae na safari ya kesho kwenda kushuti, maana aliniambia tutaenda Tanga kushuti.

"Mara akaanza kukasirika kisa sijala kile kipipi, nikiwa nimeduwaa nisijue la kufanya nikapigiwa simu na namba ngeni, nikaambiwa kuna interview natakiwa kufanya na meneja wa Hamissa Mobetto na hiyo interview inahusu scene za mapenzi.

"Hapo ndo nikaanza kupata wasiwasi nikampigia mama yangu kumweleza mahali nilipo ili nikipata matatizo ajue niko wapi, yule mtu alivyoona naongea na mama yangu akakasirika, akasema sasa kwanini unaongea na mama yako? basi ondoka wewe huwezi hii kazi, nikamwambia hii saa nane ya usiku naenda wapi?

Yamm Mlimbwende mwenye miondoko ya Kizanzibar amesema baada ya hapo jamaa huyo aliondoka akamuahidi kuwa atatokea, lakini matokeo yake mtu huyo alitokomea kusikojulikana hadi kunapambazuka alikuwa hajatokea.

Yamm baada ya kugundua kuwa alichezewa mchezo mchafu na kuushinda kwa kuponea chupuchupu, kulipokucha alikusanya viwalo vyake upesi akarudi nyumbani kwao, na hata baada ya kufanya uchunguzi aligundua kuwa aliyeongea naye hakuwa Hamissa Mobetto wa ukweli, alikuwa wa mchongo ambaye ni sauti zilitengenezwa ili wamnase mrembo huyo aliyejaaliwa kiuno nyigu.