Simba Wamwajiri Raia wa Kenya Kama Meneja wa Timu

Uongozi wa klabu ya Simba umefikia makubaliano ya kumuajiri Mikael Igendia raia wa Kenya kuwa Meneja wa timu na Mkuu wa Sayansi ya Michezo kwa mkataba wa miaka miwili ikiwa ni sehemu ya kuliboresha benchi la ufundi kuelekea msimu mpya wa Ligi 2023/24.

Igendia (36) anachukua nafasi ya Patrick Rweyemamu ambaye amekuwa Mkuu wa Programu za soka la vijana.

Ujio wa Igendia klabuni hapo unatarajiwa kuongeza ufanisi katika benchi la ufundi kwakuwa yupo vizuri pia kwenye utimamu wa mwili pamoja na utawala wa timu.

Igendia amewahi kufanya kazi na Gor Mahia FC, timu ya Taifa ya Kenya ‘Harambee Stars’ pamoja na timu ya Taifa ya Tanzania ‘Taifa Stars’.

#KitengeSports