Unaambiwa Threads Ndio Habari ya Mjini Duniani...Wenye Blue Tick Instagram Njia Nyeupe

Mtandao mpya wa Kijamii wa THREADS ambao unamilikiwa na Kampuni ya META ya Marekani inayomiliki Mitandao mingine kama Facebook, Instagram na WhatsApp, umefikisha Watumiaji milioni 30 kwenye siku yake ya kwanza ya kuzinduliwa.

C.E.O Mark Zuckerberg ameonesha furaha yake baada ya ongezeko kubwa la Watumiaji walio-download APP ya TREADS ambao kwenye saa saba za mwanzo walifikia milioni 10 lakini saa chache baadaye wakaongezeka na kuvuka milioni 30.

Threads ni Mtandao ambao unatazamiwa kuleta ushindani mkubwa sana kwa Mtandao wa Twitter ambao sasa upo chini ya Bilionea Ellon Musk ambapo Watumiaji wa Instagram ambao wako verified wamepewa upendeleo maalum wa kuwekewa tiki za bluu papohapo wanapojiunga na THREADS.