Rais wa Tanzania Dkt. Samia Suluhu Hassan leo wakati akifunga mafunzo ya Wakuu wa Mikoa na Makatibu Tawala wa Mikoa Wilayani Kibaha Mkoani Pwani amewataka Wakuu wa Mikoa kutowalea Wakuu wa Wilaya wazembe na badala yake wawachukulie hatua.
“Jukumu lingine ni kusimamia miradi, huku kuna kazi, Wakuu wa Wilaya wanaapishwa na nani?, si na nyinyi?, sijawahi kusikia Mkuu wa Mkoa kamtumbua Mkuu wa Wilaya, japo kwamba yeye sio aliyemteua lakini angalau kumtisha ‘nakusimamisha na naandika kwa Boss wako aliyekuteua’ hakuna, na wapo wanavurunda, kuna DC hasikii la Mtu, kuna DC hakai kituo cha kazi ana mamiradi yake huko yeye kutwa anakuja anachuma huku anapeleka huko”
“Kuna DC anategemea kutafuta Ubunge, kituoni kwa kazi hakai, anakaa siku mbili tatu yupo huko anakotegemea kutafuta Ubunge lakini Ma-RC mmekaa kimya mnafichiana huko hamsemi, mpaka apite Kassim Majaliwa huko (PM) akirudi ‘Mama pale DC hapana yule hatufai’ lakini Ma-RC kimya hamsemi na mmewaapish wenyewe, hii kwasababu hakuna usimamizi labda mnaogopana au kuna muhari”
“Ma-RAS nyie ndio Makatibu Wakuu kule lakini aah huoni, kesi ninazoziona Mimi kule ni Walimu; Watendaji wa Afya lakini level ya Ma-DC, Ma-DAS wala Wakuu wa Mikoa hamsemi mnaleana, kweli kuleana kupo kwasababu hata Mimi Mawaziri wangu nawalea lakini nawaita nawafinya nyingi hamuwafinyi” ——— Rais Samia.
.webp)
.jpg)
