Frateri wa Kanisa Katoliki Jimbo la Kigoma ambaye ni mtanzania, Melkiori Dominick (27) aliyetekwa nyara na watu wasiojulikana anaachiwa.
Hayo yamebainishwa leo Agosti 9, 2023 na Waziri wa Mambo ya Nje na Ushirikiano wa Afrika Mashariki, Dk. Stergomena Tax wakati akizungumza na waandishi wa habari.
Waziri Tax amethibitisha kutekwa nyara kwa Frateri huyo na kwamba
serikali kwa kushirikiana na Ubalozi wa Tanzania nchini Nigeria, wanapambana kuhakikisha anaachiwa akiwa salama.
“Ni kweli Mtanzania mwenzetu ametekwa Nigeria, na inasemekana wanadai fedha ili aachiliwe,” amesema Dk Tax wakati akijibu maswali.
Kwa mujibu wa Dk. Tax amesema Serikali inayo nia ya kuhakikisha Frateri huyo ambaye amekuwa akifanya kazi ya umishonari nchini anarudi haraka na salama.
Dk Tax alisisitiza haja ya kukabiliana na ugaidi katika eneo hilo, akisisitiza kwamba matukio ya utekaji nyara ni jambo la kawaida sana nchini Nigeria.
"Tukio hili linasisitiza haja kubwa ya kuimarishwa kwa juhudi za kupambana na ugaidi ili kukabiliana na utekaji nyara usio na maana ambao unakumba eneo hilo" amesema
Aidha amesisitiza kuwa mamlaka za Tanzania zinachukua hatua za tahadhari ili kuzuia madhara kwa wahasiriwa huku wakitafuta njia zote za kuwezesha kuachiliwa kwao.
"Tukio hilo limezua wasiwasi miongoni mwa jamii, likiangazia hali tete ya usalama katika eneo hilo" amesema Dk Tax
Amesema juhudi za kuzuia matukio kama hayo ni muhimu ili kulinda maisha ya watu wanaofanya kazi muhimu ya umishonari, na pia kurejesha hali ya usalama miongoni mwa watu.
"Wakati serikali ya Tanzania na vyombo vya kidiplomasia vinafanya kazi kwa bidii kuhakikisha Melkiori na Padri Paul Sanogo waachiliwa, umakini unabakia kulenga kutatua changamoto za kimsingi za usalama zinazoendelea kutishia maisha na kuvuruga maelewano ya jumuiya," amesema na kuongeza
"Tukio hilo linahitaji juhudi za pamoja za kikanda kukabiliana na ugaidi na kuhakikisha usalama wa raia wote wa ndani na wa kimataifa wanaochangia katika kuboresha jamii kupitia juhudi zao za kujitolea linaisha," amesema
.jpg)
