Hatimaye Mzee Yusuf Amkubali Kijana Aliyejitokeza Kwenye Vyombo vya Habari Akidai ni Mtoto wake

 

Moja kati ya habari kubwa zilizo-trend miezi kadhaa iliyopita ni habari ya msanii nguli wa Taarab, Mzee Yusuf kuhusiswa kwamba amemtelekeza na kumkataa mtoto wake.

Mtoto huyo alijitokeza kwenye vyombo mbalimbali vya habari na kujitangaza kama mtoto wa Mzee Yusuf. Licha ya kufanana kuanzia pua, meno, mdomo na vingine vingi, Mzee Yusuf alikataa kata-kata akisema mtoto huyo siyo mtoto wake.

Lakini moja kati ya mahojiano aliyoyafanya na Ayo TV huko Zanzibar hivi karibuni, Mzee Yusuf ameamua kukunjua nafsi na kukubaliana na matokeo baada ya kukumbuka michezo aliyoicheza miaka ya 2002.

"Mara ya kwanza nilipaniki baada ya kusikia kuna ishu kama hiyo lakini nikatulia, nikatafakari alafu nikasema hii ishu niipe heshima yake.

"Awe wangu ni mtoto awe si wangu ni mtoto, tupo katika hatua za mwisho ili kujihakikishia kama ni mtoto wangu na kama si wangu nijue nachezaje na nasaidia vipi. Sina asilimia mia kwamba ni Kiki, sasa hivi tunawasiliana vizuri tunapigiana na kutumiana meseji"

"Kwenye maisha hujui nini kitakutokea mbele, mwaka 2002 aliozaliwa yule mtoto, niliposikia kwamba alizaliwa 2002 imetosha kuelewa kwamba kuna jambo fulani linatakiwa kutokea.

"Kwa sababu mwaka 2002 wakati nazindua album yangu ya (Mwenye Wivu Ajinyonge) nilikuwa na hekaheka nyingi, jina ndiyo lilikuwa linakuwa huenda kweli nilisababisha mambo japo sikumbuki nilikutana na huyo mwanamke wapi mi binadamu na kipindi hicho nilikuwa kijana mambo mengi."