Mganga Mkuu wa Halmashauri ya Wilaya ya Moshi Afariki Dunia Akiwa Guest House

Dkt Alex Kazula anayetajwa kuwa Mganga Mkuu wa Halmashauri ya Wilaya ya Moshi, Mkoani Kilimanjaro (DMO) amefariki dunia akiwa nyumba ya kulala wageni iliyopo eneo la Soweto mjini Moshi.

Kifo cha Dkt Kazula kinatajwa kugubikwa na utata kutokana na taarifa za namna alivyoingia katika gesti hiyo na watu aliokua ameongozana nao.

Kisare Makori ni Mkuu wa wilaya ya Moshi amethibitisha kutokea kwa tukio akikeleza kuwa mwili wa Dk.Kazula ulikutwa Oktoba 9, 2023 kwenye moja ya nyumba ya kulala wageni akiwa kwisha fariki dunia.

Amesema Jeshi la polisi kwa kushirikiana na vyombo vingine vya usalama wanachunguza kifo cha daktari huyo kujua kimesababishwa na nini.

Kamanda wa polisi Mkoa wa Kilimanjaro ACP Saimon Maigwa wanashikiliwa wanawake wawili kwa kukutwa na simu za marehemu.