Familia Yagoma Kuzika Mwili wa Ndugu yao Aliyefariki Akiwa Chini ya Ulinzi wa Polisi
Kufuatia kifo cha Limbu Kazilo (41), Mkazi wa Mtaa wa Kilulu, Halmashauri ya Mji wa #Bariadi, familia yake imegoma kuuzika mwili wa ndugu yao huyo wakidai kuna mazingira ya utata kwenye kifo chake na hivyo wanataka kujua chanzo
Mama mzazi wa marehemu, Nyahoga Nandi amesema “Limbu alikamatwa na Polisi akiwa nyumbani kwake Desemba 31, 2023, Saa 7 Usiku kwa tuhuma za mgogoro wa shamba wa muda mrefu, akashambuliwa kwa kupigwa na Askari hao hadharani licha ya kutoa ushirikiano, wakampeleka Kituo cha Polisi Bariadi, kesho yake tukafika kituoni tukakuta ana hali mbaya, tukaomba apelekwe hospitali lakini Polisi wakasema hawana mafuta wala gari.”
Anaongeza “Walipoona hali inazidi kuwa mbaya akapelekwa Hospitali ya Halmashauri ya Mji wa Bariadi, akafariki Januari 02, 2024, tulipoomba ripoti kuhusu chanzo cha kifo Daktari akadai hana uwezo wa kujua chanzo labda tuupeleke mwili Bugando (Mwanza) kwa vipimo zaidi.”
Kaimu Kamanda wa Polisi Mkoa wa #Simiyu, Maulidi Shaban amezungumza na JamiiForums na kusema “Marehemu na mwenzake mmoja walikamatwa kwa tuhuma za mauaji, alipofikishwa kituoni akapata Homa, akapelekwa hospitali huko ndipo akafariki Dunia, ndugu wamekataa majibu ya uchunguzi wa hapa wanataka uchunguzi wa Bugando, pia si kweli kuwa alipigwa, hayo ni maneno tu.”
.webp)
.jpg)