Legend wa Bongofleva Joseph Mbilinyi (@therealjongwe ) amesema Mkongwe Lucas Mkenda (Mr. Nice ) ni miongoni mwa Wasanii wanaoheshimwa Bongoflevani na aliweka rekodi mbalimbali kwenye muziki wa Bongofleva ikiwemo kutengeneza muziki wenye nguvu hadi nje ya mipaka uliopelekea yeye kuwa Msanii wa kwanza Bongo kuzunguka Afrika yote, pia Msanii wa kwanza kutumiwa private jet kwenda kufanya show Comoro, Zambia na kwengine.
Nice amepewa heshima hiyo kwenye Tamasha la Bongofleva Honors ( season 2) lililofanyika Alliance Francaise Upanga Jijini Dar es salaam ambako alipata pia nafasi ya kutumbuiza live hits song zake mbalimbali.
Tamasha hilo limehudhuriwa na Mabalozi mbalimbali akiwemo Balozi wa Marekani Nchini Tanzania, Michael Beatle, Balozi wa Ufaransa, Balozi wa Belgium, Balozi wa EU na Balozi wa Hispania, pia Viongozi mbalimbali akiwemo Mwenyekiti wa CHADEMA, Freeman Mbowe, Mwimbaji Staa wa Bongofleva Rayvanny na wengine wamehudhuria.
.webp)
