Kipa wa KMC FC Simba Radhi Baada ya Kuboronga Mechi Dhidi ya Yanga

Baada ya KMC FC kufungwa goli la kwanza dakika za mapema kutokana na makosa golikipa Wilbol Maseke, presha ikamchukua golikipa na kupelekea kufanya makosa mengine kwa sababu ya kutoka mchezoni na kukosa utulivu.

Kabla kipindi cha kwanza hakijamalizika, alimpiga ngumi mchezaji mwenzake wa KMC Ibrahim Mao ambaye kwa ishara alionekana kumshauri Maseke atulie

Baada ya kwenda mapumziko, kipindi cha pili KMC ilifanya mabadiliko ya golikipa kwa kumtoa Wilbol Maseke na nafasi yake kuchukuliwa na Denis Richard.

Baada ya mchezo, Maseke kupitia InstaStory yake amepost ujumbe wa kuomba radhi wadau wa soka kwa kile kilichotokea.

“Poleni sana mashabiki zangu na wanaopenda kazi ninayofanya nikiwa uwanjani, pia niombe radhi kwa kitendo kilichojitikeza mimi kugombana na mwenzangu.”

“Haikuwa kusudio langu, pia baada ya hapo ukweli ni kwamba sikuendelea na ugomvi dressing room bali yale ni maamuzi ya mwalimu kunitoa nimeheshimu hilo.”

“Nina mengi ya kusema ambayo huwa yanaendelea nje ya uwanja ambayo yalipelekea kuharibu saikolojia yangu lakini kwa leo niishie hapo ba kusema naomba mnisamehe kwa kilichotokea.”