Mwanajeshi wa jeshi la anga la Marekani aliyejichoma moto mbele ya ubalozi wa Israel mjini Washington DC amefariki dunia.
Mwathiriwa, ambaye alikuwa mfanyakazi wa anga akiwa kazini, alijichoma moto katika kitendo kinachoonekana cha kupinga vita huko Gaza.
Alikuwa amesema “hatashiriki tena katika mauaji ya halaiki,” kulingana na shirika la habari la AP.
Msemaji wa Jeshi la Wanahewa Ann Stefanek alisema mtu huyo “alifariki kutokana na majeraha yake na kuaga dunia jana usiku.”
Hakuna maelezo zaidi yaliyotolewa.
Mwanamume huyo alienda kwenye ubalozi siku ya Jumapili na kuanza kurusha tukio hilo moja kwa moja kwenye jukwaa la utiririshaji la video Twitch, ripoti hiyo ilisema, ikimnukuu mtu anayefahamu suala hilo.
Kisha akajimwagia mafuta kwa kasi na kuwasha moto, kabla ya kuanguka chini.
