Watu Wawili Wafariki Baada ya Kupigwa na Radi Wakiangalia TV

Watu wawili ambao ni Juliana Robert (31) na Mateso Antanas (35) Wakazi wa Kijiji cha Kigugu Kata ya Sungaji Wilaya ya Mvomero Mkoani Morogoro wamefariki dunia baada ya Kupigwa na radi wakati wakiangalia TV chumbani majira ya saa nne usiku.

Kamanda wa Polisi Mkoa wa Morogoro Alex Mkama amesema tukio hilo limetokea February 02,2024 na kifo chao kimesababishwa na Kupigwa na radi.

“Niwatahaharishe Wananchi kuchukua tahadhari kutokana na mvua zinazonyesha zimekuwa za radi na upepo hivyo kuhakikisha wanakuwa waangalifu na kuchukua tahadhari zote”

Miili ya marehemu imehifadhiwa katika chumba cha kuhifadhia maiti Hospitali ya Wilaya Mvomero .