Muda ambao Simba walipata kwenda Kigoma, saikolojia ya wachezaji kutoka kupoteza mchezo wa Ligi ya Mabingwa kuirudisha kwenye mchezo dhidi ya Mashujaa, mwalimu anakuwa na kazi kubwa sana kutengeneza morali ya wachezaji.
Kuna watu wanaweza kusema wachezaji kazi yao ni kucheza lakini mwisho wa siku kichwa ndio kinafanya kazi, kama mchezaji hayupo sawa kichwani hawezi kutoa kile ambacho kinatarajiwa.
Kwa kiwango kilichooneshwa na Simba kwenye mechi mbili dhidi ya Al Ahly, hata shabiki wa kawaida alitarajia kuona Mashujaa wanafungwa na Simba.
Sisi ambao tupo kwenye tasnia tulikuwa tunatarajia mechi ngumu sana kutokana na uchovu wa Simba na kile ambacho walikuwa wanatarajia kukipata dhidi ya Al Ahly halafu wakapoteza.
Ilikuwa ni ngumu kuona wachezaji wa Simba wakicheza dhidi ya Mashujaa kwa hamasa na kujitoa kama ilivyokuwa kwenye michezo miwili dhidi ya Al Ahly.
- Mkongwe Amri Kiemba kuhusu Simba kutolewa na Mashujaa FC
.jpeg)
