Serikali ya Rais Joe Biden imepiga marufuku kampuni ya ulinzi wa mtandao ya Kaspersky yenye makao yake nchini Urusi kutoa bidhaa zake maarufu za kuzuia virusi nchini Marekani ikitaja sababu za usalama wa taifa.
"Kwa ujumla Kaspersky haitaweza tena, miongoni mwa shughuli nyingine, kuuza programu zake nchini Marekani au kutoa masasisho kwa programu ambayo tayari inatumika," ilisema taarifa ya idara ya biashara.
Tangazo hilo lilikuja baada ya uchunguzi wa muda mrefu kukuta "operesheni zinazoendelea za Kaspersky nchini Marekani zilionesha hatari ya usalama wa kitaifa".
Waziri wa biashara wa Marekani, Gina Raimondo, alisema: "Urusi imeonyesha mara kwa mara ina uwezo na nia ya kunyonya kampuni za Urusi, kama Kaspersky Lab, kukusanya na kutumia habari nyeti za Marekani."
Kaspersky, katika taarifa yake ilisema idara ya biashara "ilifanya uamuzi wake kulingana na hali ya hewa ya kijiografia na wasiwasi wa kinadharia" na kuapa "kutafuta suluhu ya kisheria".
"Kaspersky haishiriki katika shughuli zinazotishia usalama wa taifa la Marekani na, kwa kweli, imetoa mchango mkubwa katika kuripoti na kulinda watendaji mbalimbali dhidi ya vitisho ambavyo vililenga Marekani na washirika," kampuni hiyo ilisema.
.jpg)
