Ndege ya Jeshi iliyokuwa imembeba Makamu wa Rais wa Malawi Saulos Chilima na watu wengine tisa imetoweka.
Kwa mujibu wa Taarifa iliyotolewa na Ofisi ya Rais wa Malawi Ndege hiyo ilitoweka kwenye rada baada ya kuondoka katika mji mkuu, Lilongwe leo asubuhi (Juni 10, 2024) ambapo Ilitakiwa kutua kwenye Uwanja wa Ndege wa Kimataifa wa Mzuzu, kaskazini mwa nchi hiyo, baada ya saa nne asubuhi kwa saa za Malawi
Sababu ya kutoweka kwa ndege hiyo bado haijajulikana ambapo juhudi za kuitafuta ndege hiyo zinaendelea
Chilima mwenye umri wa miaka 51 alikuwa akielekea kuiwakilisha serikali katika mazishi ya waziri wa zamani Ralph Kasambara aliyefariki dunia siku tatu zilizopita.
.jpg)
