Tuzo za Muziki za Tanzania (TMA) @tzmusicawards, zimepangwa kufanyika tarehe 7 Septemba 2024.
Taarifa kutoka kamati maalum ya tuzo hizo imesema kuwa majina ya wasanii wanaowania vipengele mbalimbali yatatangazwa wiki ijayo.
Imesema mchakato wa uteuzi ulikuwa wa kina, na wateule walichaguliwa kulingana na muziki ulioachiwa kati ya Januari 1 na Desemba 30, 2023.
Kamati hiyo imeongeza kuwa wateule walijitokeza katika makundi yao husika, na washindi watachaguliwa kwa mchanganyiko wa maoni ya wataalamu na kura za umma.
Kamati ya TMA imeahidi hafla ya kuvutia isiyosahaulika itakayobadilisha taswira ya tuzo za muziki Kitaifa na Kimataifa.
Kilele cha tuzo za TMA kitawaheshimu mashujaa wa sekta ya muziki, huku zulia jekundu likiangazia umaarufu na mitindo.
Sherehe kuu itahudhuriwa na hadhira tofauti, na TMA After Party rasmi itaendeleza sherehe hadi usiku wa manane.
Paramount Africa (BET & MTV Base) ni mshirika rasmi wa kimataifa wa vyombo vya habari, kuhakikisha ufuatiliaji mkubwa wa vyombo vya habari kwa Tuzo za Muziki za Tanzania (TMA).
Kamati maalum ya TMA iliyoteuliwa na Mheshimiwa Dkt. Damas Daniel Ndumbaro (Mb), Waziri wa Utamaduni, Sanaa na Michezo, inaundwa na viongozi wakuu ambao ni Mwenyekiti David Minja, Makamu Mwenyekiti Christine “Seven” Mosha, Chris Torline, Natasha Stambuli, na Paul Matthysse (P-Funk Majani).
.jpeg)
