MTOTO WA MBOWE NICOLE AACHIWA HURU NA POLISI

Nicole Mbowe ambaye ni Mtoto wa Mwenyekiti wa CHADEMA, Freeman Mbowe, ameachiwa huru na Polisi ikiwa ni zaidi ya saa mbili toka alipokamatwa maeneo ya Magomeni Mapipa Jijini Dar es salaam leo September 23,2024.

Nicole ameonekana nje ya Kituo cha Polisi cha Oysterbay akiwa na Mama yake Mzazi (Mke wa Mbowe), Lilian Mtei pamoja na Wakili Peter Kibatala ambapo hata hivyo hakuweza kufanya mahojiano na Wanahabari kuelezea kilichotokea hadi kuachiliwa kwake.

Mapema leo Kamanda wa Polisi Kanda Maalum ya Dar es salaam Muliro Jumanne katika mkutano na Waandishi wa Habari alipoulizwa kuhusu kushikiliwa kwa Mtoto huyo, alisema hayumo katika orodha ya Watu 14 waliokamatwa leo katika sakata la maandamano ya September 23.