Baltasar Ebang Engonga, Mkurugenzi Mkuu wa Shirika la Upelelezi wa Fedha la Taifa la Guinea ya Ikweta (ANIF), amejikuta katikati ya skendo kubwa baada ya mamlaka za sheria kugundua mamia ya video zinazodaiwa kumwonyesha katika hali ya aibu.
Video hizo zinadaiwa kuhusisha watu mashuhuri, wakiwemo mke wa kaka yake, binamu yake, na dada wa Rais wa Guinea ya Ikweta. Kashfa hiyo ilifichuka wakati wa uchunguzi wa udanganyifu ambapo waendesha mashtaka walipata zaidi ya video 300 kwenye kompyuta ya Ebang Engonga, zikionesha matukio yake na wanawake kadhaa, wakiwemo walioko kwenye ndoa.
Inasemekana video hizo, ambazo zilinaswa ofisini kwake, zilirekodiwa kwa idhini ya wahusika na sasa zimevuja mtandaoni, zikisababisha gumzo kubwa kwenye vyombo vya habari.
Makamu wa Rais wa Guinea ya Ikweta, Teodoro Nguema, alitoa tamko kupitia akaunti yake ya X (zamani Twitter), akilaani vitendo visivyofaa ndani ya ofisi za serikali. Alisisitiza kuwa mahusiano ya kimapenzi yamepigwa marufuku katika maeneo ya utawala na akaonya kuhusu hatua za kinidhamu kwa watakaokiuka sheria hiyo.
"Kufuatia unyanyasaji ambao umeonekana kwenye mitandao ya kijamii nchini Guinea ya Ikweta katika siku za hivi karibuni, na kwa kukumbusha kwamba wizara zipo kwa ajili ya kazi za utawala kusaidia maendeleo ya nchi, mahusiano ya kimapenzi katika ofisi yamepigwa marufuku,” alisema Nguema. “Hatua za udhibiti tayari zipo, na yeyote atakayevunja sheria hii tena atachukuliwa hatua za kinidhamu na kufutwa kazi.”
Baltasar Ebang Engonga ni Nani?
Baltasar Ebang Engonga ni Mkurugenzi Mkuu wa ANIF, shirika la kitaifa la upelelezi wa fedha nchini Guinea ya Ikweta. Kazi yake ni kusimamia uchunguzi wa masuala ya kifedha na kudhibiti shughuli zinazolenga kupambana na ufisadi wa kifedha nchini. Engonga ameoa na ana watoto sita, na ameshikilia nafasi muhimu katika shirika hilo lenye ushawishi mkubwa kwenye uwazi na uwajibikaji wa kifedha wa taifa.
.jpg)
