Mwijaku Amwambia Eng Hersi Asisikilize Kelele za Chawa

Mhamasishaji maarufu wa mitandaoni, Mwijaku, ameandika ujumbe unaotoa ushauri kwa Rais wa klabu ya Yanga, Injinia Said Hersi, kupitia ukurasa wake wa Instagram. Kwenye ujumbe huo, @Mwijaku alimshauri Hersi kupuuza “makelele ya chawa” ambao anaeleza kuwa wanajaribu kuvuruga umakini wake kwenye majukumu yake kama kiongozi wa klabu.

Mwijaku alisema: “Nakushauri usisikilize makelele, CONCENTRATE naona kuna chawa analazimisha mahusiano na kuwasiliana na wewe asikutoe kwenye reli.” Aliendelea kumuhimiza aachane na kelele zinazoweza kuvuruga malengo yake na klabu kwa ujumla.

Ujumbe wa Mwijaku umeonekana kupewa uzito na mashabiki, wakiona kwamba ni onyo kwa wale wanaojaribu kuleta migongano isiyokuwa na msingi ndani ya uongozi wa Yanga.