Joseph Haule ambaye ni Mbunge aliyepita wa Jimbo la Mikumi ( 2015-2020) jana amezindua Kampeni za Chama cha Demokrasia na Maendeleo ( CHADEMA) za Uchaguzi wa Serikali za Mitaa katika Kata za Mikumi na Ruaha katika Jimbo la Mikumi Mkoani Morogoro.
Katika mkutano huo Joseph Haule ( Profesa Jay ) alianza kwa kumshkuru Mungu pamoja na kuwashukuru Wananchi wa Ruaha kwa kumuombea na kumchangia alipougua na kulazwa katika chumba cha ICU kwa zaidi ya siku 120.
Hii ni mara ya kwanza kwa Profesa Jay kusimama kwenye jukwaa la Kampeni toka alipotangaza kupona na kurudi kwenye majukumu yake ya kawaida “Najua CCM leo hawatalala, watakuwa wamenuna na nadhani siku zinavyozidi kwenda watakwenda kupasuka kwa sababu walichoniombea Mungu ameniepusha nacho”
“Watu wa Ruaha najua mda mwingi sana na Watu wengi sana wanategemea kilimo cha miwa kuendesha maisha yao, nimepata ripoti kwamba pale Matambiko heka 300 zimevutwa na hazijaingizwa kiwandani lakini kwenye Kata ya Ruembe zaidi ya 150 zimeungua na hazijachukuliwa kiwandani, kule Mbwade zaidi ya heka 300 zimeungua na hazijaingizwa kiwandani, je hapo mna Mbunge au mna Bubu ? ningekuwa mimi ndiye Mbunge nyie mnanijua shughuli yangu ilivyokuwa” ——— Joseph Haule
.jpg)
