Singida BS Yawasimamisha Kazi Makocha Aussems na Kitambi

Klabu ya soka ya Singida Black Stars, imetangaza kuwasimamisha kazi makocha wake Patrick Aussems na msaidizi wake Denis Kitambi.

Kwa mujibu wa taarifa ya klabu hiyo, uamuzi huo umetokana na mwenendo usioridhisha wa timu hiyo katika mechi zake tatu zilizopita za NBC Premier League.

Katika mechi 11 za NBC Premier League, ambazo Singida BS ilishacheza, imeshinda michezo saba, imetoka sare mechi tatu na kupoteza mchezo mmoja ambao ni dhidi ya Yanga.

Kwenye kipindi hiki ambacho makocha hao hawatokuwa kazini, kikosi cha Singida BS kitaongozwa na Mkurugenzi wa Ufundi, Ramadhan Nsanzurwimo akisaidiwa na Muhibu Kanu.