Kamishna Jenerali wa Jeshi la Zimamoto na Uokoaji CGF John Masunga, amesema bado kuna mawasiliano kati ya Jeshi hilo na Watu walionasa chini ya jengo la ghorofa lililoporomoka Kariakoo jijini Dar es salaam.
CGF Masunga ameyasema hayo mbele ya Waandishi wa Habari asubuhi hii ambapo pamoja na kufanikiwa kuwapatia hewa ya oxygen, amesema tayari wamewapelekea Watu hao maji pamoja na glucose.
“Bado kuna Watu wako chini na mawasiliano yanafanyika na Watu hao ni wazima, tumefanikiwa kuwapatia maji, glucose pamoja na kuwapa faraja kwamba Vyombo vyote vya Ulinzi na Usalama vipo hapa na tutahakikisha wanatoka wakiwa wazima, tumefarijika sana kwasababu tumeweza kuwapatia hizo huduma wakiwa ndani ya shimo lakini pia tumeweza kuwasiliana nao, huduma ya uokoaji inaendelea”
“Mpaka sasa Majeruhi kadhaa wameendelea kupatikana kutoka kwenye basement ya jengo na wamepelekwa Hospitali kwa ajili ya huduma, Vikosi vya Uokoaji vipo imara kuhakikisha kwamba Ndugu zetu waliochini kwenye kifusi wanapatikana wakiwa salama, tuna vifaa vya kutosha...” ——— CGF John Masunga.
.jpg)
