Mamlaka ya Kudhibiti na Kupambana na Dawa za Kulevya (DCEA imesema uchunguzi uliofanyika umebaini kuwa Wateja wengi wa skanka ni Wanawake ambao hudai kuvuta bangi hiyo ili kupunguza msongo wa mawazo na kujistarehesha.
Akiongea Jijini Dar es salaam leo November 12,2024, Kamishna Jenerali wa Mamlaka ya Kudhibiti na Kupambana na Dawa za Kulevya, Aretas Lyimo amesema skanka ni aina ya bangi yenye kiwango kikubwa cha sumu ambayo ina madhara makubwa kiafya kwa Mwanadamu.
Mamlaka ya Kudhibiti na Kupambana na Dawa za Kulevya (DCEA) leo imetoa taarifa ya operesheni katika maeneo mbalimbali Nchini kati ya October na November 2024 ambayo imefanikisha kukamata kilogramu 1,066.105 za dawa za kulevya, mililita 447 za dawa tiba zenye asili ya kulevya huku Watuhumiwa 58 wakikamatwa katika operesheni hizo ambazo zilifanikisha kukamatwa kwa kilo 687.32 za skanka na kilo moja ya hashishi eneo la Goba, DSM zikiwa zimefichwa ndani ya nyumba ya Mtuhumiwa.
.webp)
.jpg)