Rio Ferdinand, beki wa kati wa zamani wa Manchester United na timu ya taifa ya Uingereza, mwenye historia ya kutwaa mataji sita ya Ligi Kuu ya Uingereza na Kombe la Klabu Bingwa Ulaya, ameingia kwenye mjadala mkubwa baada ya kauli yake kuhusu kinda wa Barcelona, Lamine Yamal.
Akizungumza kama mchambuzi wa soka, Ferdinand alieleza kuvutiwa kwake na uwezo wa Yamal, akisema kijana huyo mwenye umri wa miaka 17 ni bora zaidi ya Lionel Messi alipokuwa na umri kama huo.
"Nampenda Lamine Yamal. Mchezaji mzuri kweli. Nataka kumwona, nataka kumkumbatia. Sitaki kusema atakuwa mchezaji bora zaidi wa wakati wote, lakini nafikiri anaweza," alisema Ferdinand.
Aliongeza kuwa Yamal ni mchezaji wa kipekee mwenye uwezo wa kutawala mechi, kufunga mabao, na kuonyesha soka la kuvutia. Hata hivyo, kauli yake imeibua hisia mseto miongoni mwa mashabiki. Wengine wamekubaliana naye, huku wengine wakimtetea Messi na mchango wake mkubwa katika soka, wakisisitiza kuwa kulinganisha ni mapema mno.
Lamine Yamal tayari ameonyesha kipaji chake kwa kushinda Kombe la Euro msimu wa kiangazi na anatajwa kuwa staa anayekuja kwa kasi, akipewa matumaini makubwa kuwa mrithi wa Messi. Je, kauli ya Ferdinand ni haki, au inachochea mjadala usio wa lazima? Maoni yako ni yepi?
.webp)
.webp)
