Majonzi, Mama wa Marehemu Bwire wa Alliance Afariki Dunia Siku ya Mazishi ya Mwanae

Siku chache tangu aliyekuwa Mmiliki wa Shule za Alliance, James Bwire kufariki dunia, mama yake mzazi, Nchagwa Manga naye amefariki dunia leo, Januari 31, 2025 muda mfupi kabla ya kufanyika kwa shughuli ya kumuaga marehemu.

Mwenyekiti wa Kituo cha Alliance, Stephano Nyaitati amethibitisha taarifa hizo na kueleza kuwa amefariki dunia katika Hospitali ya Bugando alikokuwa akipatiwa matibabu.

Ameongeza kuwa ratiba za kumuaga Bwire aliyefariki dunia Januari 25, 2025 zitaendelea kama zilivyopangwa na zitakapomalizika, ndipo msiba wa mama yake utakapoendelea.