Ndege ya shirika la American Airlines imehusika katika ajali ya angani baada ya kugongana na helikopta ya kijeshi aina ya Black Hawk karibu na Uwanja wa Ndege wa Kitaifa wa Reagan Washington, Shirika la Usimamizi wa Safari za Ndege (FAA) limethibitisha.
Ajali hiyo ilitokea saa 3 usiku kwa saa za Marekani, ndege hiyo ilipokuwa ikikaribia kutua kwenye barabara ya uwanja huo. Baada ya mgongano huo, ndege ilianguka katika Mto Potomac, na kusababisha hatua za dharura kuchukuliwa haraka.
Timu za uokoaji, zikiwemo boti za zimamoto, zilifika mtoni mara moja kusaidia juhudi za uokoaji. Uwanja wa Ndege wa Ronald Reagan (DCA) umesitisha safari zote za ndege hadi uchunguzi wa kina utakapokamilika.
"Safari zote za kupaa na kutua zimesitishwa katika uwanja wa ndege wa DCA," ilisema taarifa rasmi ya uwanja huo kupitia mtandao wa X. "Wahudumu wa dharura wako katika eneo la tukio wakishughulikia hali hiyo."
Kwa mujibu wa ripoti za awali, ndege hiyo ilikuwa na abiria 60 na wafanyakazi wanne, ikisafiri kutoka Kansas kuelekea Washington DC. Helikopta ya kijeshi Black Hawk, ambayo pia ilihusika katika ajali hiyo, ilikuwa sehemu ya operesheni za Jeshi la Marekani.
Mamlaka husika, ikiwa ni pamoja na FAA na Idara ya Usafiri ya Marekani, zinaendelea kuchunguza sababu za ajali hiyo huku taarifa zaidi zikitazamiwa kutolewa.
.webp)
.jpg)
